Hemen duzue asteburuko jardunaldia. Benjaminek, saskibaloiarekin jarraitzen dute eta alebinek eskubaloiarekin. Gabonak arte bi kirol hauekin jardungo gara. Asteburu honetan Gurutxurtuko irteera dela medio jokalari batzuk ezin izango dute partidua jolastu, talderen batek osatzeko arazoak baditu, jarri dadila gurekin harremanetan.

Eskubaloiko ligaxkari ekingo diote ALEBINEK (LH5-LH6). Jardunaldian, kolore berberarekin dauden taldeek osatzen dute multzoa eta multzoko taldeen kontra jolastuko duzue ligaxka. (atsedenaldia tokatzen zitzaion talde bati, beste multzo bateko talde baten aurka jarri diogu lagun arteko partidua. Helburua jolastea baita).

BENJAMINEK (LH3-LH4) aldiz, saskibaloiari ekingo diote. Adin hauetan ez dago txapelketarik, beraz, partidu guztiak lagunartekoak dira eta emaitzen arabera joango dira hurrengo jardunaldietako aurkariak jartzen. Partiduak ahalik eta paretsuenak izan daitezen. Batzuetan partidu bakarra jolastuko duzue eta beste batzuetan bi partidu motzagoak. Helburua talderik jolastu gabe ez uztea da eta horregatik batzuetan partidu arrunta eta beste batzuetan triangularra tokatuko zaizue.

Lehen jardunaldia izanik, garrantzitsua, taldea non eta zein ordutan elkartuko den ondo adostu eta partaide denek jakitea. Guraso arduradunei eta entrenatzaileei elkarren datuak pasatzen ari gara zuen arteko komunikazio eta koordinazioa hobetzeko.

Partiduak hastearekin batera tentsioa eta lixkarrak ere hasten dira. Mesedez, lasai eta umorez bizi nahi ditugu partiduak. Ahalik eta hezigarrienak izan daitezen. Horretarako, beharrezkoa da, partiduen inguruan gabiltzan heldu guztion parte hartze aktiboa eta jarrera irekia. Ematen diren egoera guztiak hezigarriak egin daitezke eta hori da helburua. Denon artean lortuko dugulakoan, eskerrik asko guztioi.

Gipuzkoako Hitzan elkarrizketa interesgarri hau topatu dugu. Egun gaztetxoenen kirola hartzen ari den norabideari buruz hausnartzen du:

Egun hauetarako eguraldi oso nahasia ematen dute eta itsasoan olatu oso handiak espero dira. Hau dela eta, Euskalmetek abisu horia iragarri du kostalderako. Beraz, egoera ikusita, Surfeko hastapeneko saio bat egitea arriskutsua dela uste dugu eta jardunaldia bertan behera uztea erabaki dugu. Saiatuko gara udaberrian berreskuratzen.

Mila esker

Asteburu honetan jardunaldia dugu berriz ere eskola kirolean. LH3 eta LH4koek errugbia izango dute. LH5 eta LH6koek krosa izango dute Aian. Bestalde, denboraldi hasieran, surfa eta arrauneko jardunaldi bat atzeratu beharra izan genuen antolatzaileek jardunaldia aurrera eraman ezin zutelako eta asteburu honetan aukera emango da kirol horiek probatzeko. Aurten, azken orduan izan diren aldaketak medio, LH6koek surfik ez dute izango eta LH5koek arrauna ez dute izango. Baina atzeratu zen jardunaldi hori berreskuratzeko aukera izango da eta ordutegiak aukera ematen dioten taldeek atzeratutako jardunaldia eta krosa biak egin ahal izango ditu, hala nahi badute.

Asteburu honetan Triatloi txikia izango dugu eta hemen duzue bertako informazio guztia. Gozatu!

Asteburu honetan ere kirol ezberdinak izango ditugu gure gaztetxoentzat. Benjaminek, judo eta irristaketa izango dituzte eta alebinek, surfa (txapelketa dagoelako atzeratu egin da beraz ez duzue surfeko ordutegirik ikusiko jardunaldia), arrauna eta atletismoa. Hona hemen jardunaldia:

AUTOBUSAK
Oriora joatea tokatzen zaizuenoi, autobusa izango da zuen txanda hasi baino 15 minutu lehenago: alegia 8:45, 9:45, 10:45, 11:45. Bonberotako rotonda eta Aguexeko rotonda izango dira geltokiak eta ekintza egin ondoren ere ekarriko zaituztete. Guraso batek joan beharko du taldearen arduradun gisa autobusean.

Asteburu honetan LH3 eta LH4ko benjaminek jai izango dute eta LH5 eta LH6koek surfa, arrauna eta atletismo. Gogoratu, surferako, zuen trajeak eraman ahal badituzue hobeto, bestela bertan utziko dizkizuete. Surf taulak bertan utziko dizkizuete, ikasteko, kortxozkoak erabiltzen dituztelako. Atletismo itxasmendin izaten da. Arrauna “Zarautz” jartzen badizuete, Orion dagoen Zarauzko Arraun Elkartearen egoitzan egingo duzue, “Getaria” jartzen baldin badu, Getariako Arraun Elkartearen egoitzan.

Datorren astelehen eta asteartean, entrenatzaileen formazioa egingo dugu. Aste honetan egitekoak ginen baina atzeratu egin behar izan dugu formatzailea gaixorik zegoelako. Formazio horren ostean hasiko gara pixkanaka taldeen entrenamenduak martxan jartzen.

Asteburu honetan Benjaminek (LH3-LH4) errugbiko jardunaldia izango dute. Alebinek (LH5-LH6) surfa, atletismoa eta arrauna izango dute. Atletismoa itxasmendin izango da. Surfa Zarauzko Surf Elkartearen lokalean (Argiñano jatetxearen azpian), bere trajea eta taula dituenak eramatea komeni, besteentzat bertan izango da. Asteburu honetan oso marea baxua tokatzen denez, arrauneko jardunaldia ezin izan dugu nahi bezala osatu, beraz, talde batzuek ezingo dute arrauna egin eta urriaren 29ra atzeratzen zaie. 
Gozatu eta ondo pasa!

Entrenamenduekin noiz hasiko garen galdetzen ari zarete guraso batzuk. Entrenatzaileen formazioa, taldeen banaketa eta entrenamenduen tokiak antolatu eta kudeatzen ari gara. Asmoa, datorren astean entrenatzaileen formazioa egin eta Urriaren 17ko astean entrenamenduei ekitea da. Dena prest izandakoan informatuko zaituztegu talde bakoitzak noiz eta non ekingo dion entrenamenduei. Txikienei ikastolako espazio bat eskaintzea da asmoa, desplazamenduak errazteko, eta alebinei ikastolatik kanpoko espazio bat egokitzen saiatuko gara.

Mila esker