17. aldiz ospatuko da Txaparrotan eskubaloiko txapelketa. Hemen duzue bertan parte hartzeko beharrezko informazioa.

Gozatu

Eskola kirola amaitu den arren eskaintzak badira kirolean lagunekin gozatzeko eta asteburu honetan ospatuko den Zaraguetako Kross Txikiaren berri eman nahiko genizueke.

hemen duzue asteburuko jardunaldiko informazioa. Denboraldiko azkena izango da. Xake festa egitekoak ginen maiatzaren 21ean, baina, Xake taldetik adierazi digute, pandemia ostean, taldean oso kide gutxi daudela eta ez dutela antolatzeko gaitasunik.

LH3-LH4 ATLETISMO
Itxasmendin ospatuko da azken jardunaldia. LH4 9:30etan eta LH3 11etan.

LH5 SURFA
Zarauzko Surf elkartean biltzen gara. Norbere surf taula eta trajea duenak eramateko aukera du. Besteei, bertan utziko zaie behar duten materiala.

PLAIEROTAKO FINALAK
Aurten, arrazoi ezberdinak medio, jolastu behar ziren 5 jardunaldietatik 3 jolastu dira. Hau dela eta, ikastetxeok, eskatu genion ZKE-ri, finalik ez antolatzeko. Sailkapenak justuak ez direlako, denek partida kopuru bera jolastu ez dutelako… Trukean, haur guztiak parte hartuko zuten jardunaldi bat antolatzea proposatu genien. Denek parte hartuko luketen festa bat. ZKE-k ez du onartu eta finalekin aurrera jarraitu du. Sailkapen batzuk ondo ez dituztela abisatu arren, zituzten sailkapenetako lehen 2ak finalera eramanda aurrera atera dute jardunaldia. Badakigu ikasle eta guraso batzuk egoera honen aurrean “haserre” zabiltzatela eta horregatik idazten dizuegu azalpen hau.

Asteburua ekintzaz betea dator. Hona hemen bakoitzari buruzko informazioa:

LH3-LH4 TRIATLOIA

Kiroldegian ospatuko da beste behin ere triatloi jardunaldia. LH4koak 10:30etan eta LH3koak 11:15ean. Helburua kirol hau probatu eta gozatzea da, beraz, gogoratu gaztetxoei, helburua ez dela ahalik eta azkarren egitea. Lagunei itxoin, gozatu eta ondo pasatzen saiatu.

LH5-LH6 ORIENTAZIOA (talde bakoitzarekin guraso arduradun bat derrigorrezkoa da)

3 Gune ezberdin antolatu dituzte GOT-eko kideek. Salbideko parkea, Munoa eta Alde zaharra. Bi txanda nagusi izango dira. 9tan eta 11etan. Talde bakoitzari egokitutako ordutegiak eta guneak, jaso bezain pronto helaraziko. Talde osoa elkarrekin eta guraso baten laguntzaz bertaratuko da gunera. Bertan, antolatzaileek kontrol fitxa eta guneko mapa bat emango dizuete. Taldea bikote edo hirukotetan banatzea gomendatu dute antolatzaileek. Azpitalde bakoitzak bere mapa eta kontrol fitxa hartuko du eta gune horretako pistak aurkitzen saiatuko dira. Azpitalde guztiek amaitzean, denak elkarrekin eta guraso baten laguntzaz, beste gunera joango dira. Horrela 3 guneak osatu arte.

Oso ekintza interesgarria eta dibertigarria da eta asko gozatuko dute.

LH5 LH6 SANTA MARINAKO PILOTA TXAPELKETA

9:45ean elkartuko dira bikote eta hirukote guztiak Manuelako frontoian (Photomuseumeko frontoia). Bertan, Santa Marinako komisikoko kideek zenbaki bana emango diete bikoteei eta aurkariak egokituko zaizkie. Galtzen duena kaleratzen joango den txapelketa formatua izango da. Inork pelota bukatu eta orientazioa egiteko denbora ematen badio ez dago arazorik biak egiteko.

GOZATU ETA GOZARAZI

   Igande honetan ibilaldi neurtua ospatuko da Azpeitian. Izena eman nahi duzuenok, osatu taldetxoa eta gure bitartez izena eman ahal duzue. Ondoren, bertara joateko kotxeetan eta antolatzea zuen ardura izango da. Izen ematea komeni Maiatzaren 5a baino lehen egitea. 

Click to access AZPEITIA%20MARCHAS%20REGULADAS%202022.pdf

    Familian egin daitekeen ekintza oso aberasgarria dela iruditzen zaigu beraz, denok animatzen zaituztegu parte hartzera. 

   

Eskola kirola azken txanpan sartua da eta hemen dituzue asteburuko jardunaldiak. Asteburu honetan LH5ekoek jai izango dute.

LH3-LH4 BENJAMINAK: KROS-a AIA-n.
Krosaren antolatzaileek laguntza eskatu digute. Talde bakoitzeko guraso arduradun bat joatea beharrezkoa da gune aldaketetan eta jolasetan antolatzaileei laguntzeko. Haur kopuru handia izango baita. Ordutegien azpian duzue mapa eta batez ere taldea gunetik guneera eramaten behar dute laguntza. Ikustera joateko nahi adina toki izango da.

LH6 ALEBINAK: SURF-a

Norberak bere traje eta surf taula eraman nahi baditu asko eskertuko dute antolatzaileek.

Hemen duzue asteburuko jardunaldia. Honekin amaituko dira ligaxkak. LH5 eta LH6koak finalak izango dituzte igandean. Biharko emaitzen ostean, jakinaraziko zaizue nortzuk sailkatzen zareten. Eskola kirola ez da amaitu ordea, oraindik ekintza polit asko ditugu egiteko. Azken txanpan sartuko gara oporren ostean eta Aiako krosa, surfa, orientazioa, triatloia, xakea… eta hainbat ekintza izango ditugu.

Animo, gozatu eta gozarazi!

Hemen doa plaieroetako azken jardunaldia:

Asteburu honetan, Txurrukako irteera eta korrika dela talde askok osatzeko arazoak dituzte benjaminetan. Kasu gehienetan, gelako bi taldeak elkartu eta elkarrekin bi partiduak jolastea adostu dugu. Beste batzuetan ezinezkoa da ordutegiengatik eta besteren batean gurasoek nahiago izan dute partidu bakarra jolastea. SM4A taldean aldiz, bakoitzak bere partidua jolastuko du baina gelako beste kideak partidura gerturatuko dira laguntzarik beharko balute. Beraz, honela geratzen da jardunaldia, gorriz, bertan behera geratu diren partiduak. Mila esker jolastearen alde moldaketak egiteko prest agertu zareten guztioi!

Hemen duzue asteburuko jardunaldia.
Ikastolako taldeen arteko partida asko jarri dizkigute. Haur batzuk ohikoa baino urduritasun gehiago transmititu digute gela berdinekoen kontra jokatzeagatik. Gure aldetik, inoiz baino giro sanoagoan jardutera animatzen zaituztegu. Denok ezagunak izateak laguntzen du egoera atseginak sortzeko eta jarri ditzagun indarrak norabide horretan.

Denboraldiaren azken txanpan gaude, garrantzitsua da ahalik eta ondoen bukatzea. Gutxien parte hartzen dutenengan fokua jarri nahi dugu, haiek motibatu, taldearen parte sentiarazi. Horretarako haurrekin lanketa egin behar dugu, etxean, ikastolan, entrenamentuetan…

Entrenatzaileekin bilduko gara azken txanpa honetarako arreta non jarri eta motibatzeko. Etxean, zuek ere, zuen seme-alabekin lanketa egitea nahiko genuke. Ahal duten taldekide guztiei parte hartzen lagundu, umorez jolastu eta ondo pasa dezagun.

Animo denei eta ekin diezaiogun azken txanpari!

• Asteburuan Txipristin taldeak antolatutako irteera dago. Mesedez, osatzen ez zareten taldeok ahal bezain laister esan jardunaldiko moldaketak egiteko.

Kaixo

hemen duzue asteburuko jardunaldia.