Aste honetan hasiera emango diote Eskola kirolari LH3 eta LH4ko benjaminek. Irristaketa eta Judoa izango dituzte. Irristaketa Orokietako frontoian izango da. Norberak eraman behar ditu patinak, kaskoa eta babesgailuak. Noski, inguruan ditugun lagunek patinik ez badute, txandatuz moldatu ahal gara. Judoa Lizardi institutoan izango da, araba kalean.

LH5 eta LH6ko alebinek aldiz errugbia pasa den astean bezala.

Asteburu honetan, LH5 eta LH6koek errugbiko jardunaldia izango dute. Gozatu.

Kaixo 

 Ostiralean oharretan bidali genuen arren, badaezpada, guraso guztiona iristen garela ziurtatzeko, hemen duzue Eskola Kirolean izen emateko galdetegia. 

https://forms.gle/kNXJTyyps3Db1hMN8
AMAIERARAINO BETE GALDETEGIA MESEDEZ, BESTELA IZEN EMATEA OSATU GABE GERATZEN DA. Mila esker. 

Animatu eta parte hartu, ea ikasle guztiak eskola kirolean parte hartzea lortzen dugun. 

Mila esker

Beste urte betez, Txirrindulari txiki eguna izango dugu Irailaren 17an. Etxeko guztiok elkarrekin parte hartu ahal dugun ekintza izanik, denoi animatzen zaituztegu parte hartzera.

DESIDERATA

Nire gurasoei, irakasleei, entrenatzaileei, nagusiei…

Badakit denek maite nauzuela. Zuetako bakoitzak uneoro erakusten dit, nonahi, eta nik zuengatik ere sentitzen dut. Eta ematen didazuen maitasun horren izenean, nahiko nuke ahalik eta modurik sinple eta garbienean haz nadila utz diezadazuela.

Utzidazue erakusten dudan alaitasun horrekin jolasten.

Utzidazue nik izan nahi dudan haurra izaten.

Ez iezadazue eskatu, agian etorkizun batean garrantzitsuak izango diren gauzak lor ditzadala, zeren eta horien bila abiatzeak, niretzat gaur egun beharrezkoak direnak galtzea ekartzen baitu.

Utzidazue benetan dudan adinarekin bizitzen, bizitzan behin bakarrik izango dut eta.

Eta ez ezazue nire bizitza eta pertsona hainbeste planifikatu.

Ez zaitezte nire porrotengatik desesperatu, porrotak eragiten didan mina niri berehala ahazten baitzait, eta derrepentean nago berriro jolasteko eta dibertitzeko prest.

Ez itzazue garaipenak nire bitartez bilatu; eta ez eskatu zuek izan zineten bezalakoa izan nadila, ezta zuek izan ezin zenuten bezalakoa.

Haurra naiz, eta izaten jarraitu nahi dut.

Eskerrak ematen dizkiet nire gurasoei Klub hau aukeratzeagatik, non hainbeste lagun on egingo dudan, eta eskerrik asko entrenatzaileei ere, kirolari on bat izan nadin hezten nautelako.

Batzuetan ohartzen naiz sufritu egiten duzuela jokoan ari naizenean, eta ez dut nahi hala izan dadin, zeren eta ni, une horretan zoriontsua naiz.

Jokatzen ari naiz, eta barrutik begiratuta badirudi zuek, kanpokoak, nire bitartez lehiatzen ari zaretela, zeloak dauzkazuela eta garaipena iristen ez delako sufritzen duzuela.

Denbora utziko bazenidate, ulertuko zenukete garai honetan hala behar duela izan, kirolean, bizitzan bezala, denak ere denbora behar duela, eta inoiz eman ahalko dizuet garaipenik.

Mesedez… utzidazue presiorik gabe jokatzen, erronkarik gabe, hainbeste zuzenketarik gabe, zuek kezkatuta ikusi behar izan gabe, eztabaidan eta baita, inoiz ere, nigatik borrokan…

Mesedez… utzidazue jolasten, ondo pasa dezadan, zoriontsu izan nadin.

Haur bat naiz, ez ahaztu.

Haur bat naiz… eta bizitzan behin bakarrik izango naiz.

Ikasturte berri bati ekitera goaz. Aurrekoak ez dira errazak izan. Besteak beste, pandemiak gure jardunean izan duen eraginagatik. Aurten ere badugu zakua bete erronka. Gure jolas eremua hankaz gora dugu Ikastolako eraikinaren berrikuntzak direla eta. Honek asko eragingo gaitu entrenamentuak eta aurrera eramaterako garaian. Beraz, beste behin, denon artean esfortzu txiki bat egin beharko dugu ahalik eta ondoen moldatzeko egoerara eta ahalik eta zuku gehien atera diezaiogun aurtengo denboraldiari.

3, 2, 1…… Goazen!