Kaixo guztioi

Atzoko hitzaldian 25 bat lagun elkartu ginen ikastolako aretoan. Hitzaldia interesgarria izan zen. Eskola kirolaren inguruan gaudenon hainbat jarrerari buruz hizketan jardun ginen. Gaia azaletik landu genuenaren sentsazioarekin atera nintzen ni eta baita hainbat guraso ere. Hau, alde batetik ona da, gaiari buruz eztabaidatzeko beharra sentitu baitugu.

Hitzaldian 25 lagun besterik elkartu ez ginen arren, bertan ikusitako materiala blog-aren bitartez zabalduko dugu. Oso garrantzitsua iruditzen zait, bertan izan ginenok, izan ez zinetenoi bertan hitzegindakoaren berri ematea. Inguruan ikusten ditugun jarreretan eragitea lortu beharra dugu denon artean eskola kirol duin bat osatzeko. Bide horretan, ikastolan bertan, antzeko saio gehiago egiteko asmoa dugu. Gaia sakondu eta denon artean kolektibo bezala izan nahi dugun jarrera zehazteko.

Eskertu bertaratu zineten guztioi. Bertan landutako materiala ahalik eta gehien zabaltzen saiatuko naiz, guraso guztiongana iristeko. Bestalde, atzoko saioa herri mailan antolatzea ere pentsatzen ari gara. Eskola ezberdinetako gurasoak elkartu, gaia landu eta ondoren denon arteko hausnarketa saio bat bultzatzeko saioan bertan. Atzo beharbada, bigarren zati horren falta somatu genuen askok.

Beraz, adi antolatuko diren ekintzei eta ea hurrengoan gehiago elkartzen garen. Pixkanaka gure seme alabentzat heziketa tresna egoki bat osatzeko helburuz, mila esker

zaindu

Kaixo!

Asteburu honetan gure eskola kirolaren denboraldiko bigarren zatiari ekingo diogu. Benjaminek, saskibaloiari ekingo diote eta Alebinek eskubaloiari

BENJAMINAK
– Saskibaloiko txapelketa hasiko duzue. Talde guztiak, A eta B azpitaldeetan, banatuak izan dira haur guztiek gehiago parte hartu ahal dezaten.
– Astero A eta B taldeetako partaideak aldatzen joatea egokiena dela iruditzen zaigu.
– Talderen batek, bitan banatuta egoteko, kopuru aldetik arazoak dituela ikusiz gero, niri esan eta bitako bat kenduko genuke.
– Aste honetan ez da posible izan, baina, gainontzeko jardunaldietan A eta B taldeek toki berean eta jarraian jokatu dezaten da helburua.
– Lau lauren aurka jokatuko dituzte partiduak eta kanasta bakarrean. ikus hemen araudia

ALEBINAK
– eskubaloiarekin hasiko zarete, ikus hemen araudia.

Bestalde gogoratu, Igandean, Orioko Zaragueta eskolak kross txikia antolatzen duela. Bertan parte hartu nahi duenak, egun bertan izena eman dezake edo astean zehar kirol bulegoan. Animatu!!

Gaur, 18:00etan ikastolako aretoan, hitzaldia izango dugu eskola kirolari eta bertan ditugun jarreren inguruan. Interesgarria izateaz gain, gure eskola kirola hobetzeko bidean, garrantzitsua izango delakoan, bertan elkartuko gara.

mila esker

Gogoratzen dizuegu, Suspergintza Elkarteak, eskola kirolari buruz emango duen hitzaldia bihar izango dela.
Ikasleak atsaldeko 15:30etan eta gurasoak 18:00etan, aretoan.

Mila esker

Asteburu honetan HONDARTZAKO 5. JARDUNALDIA izango dugu. Gogoratu partidu aurretik aktak betetzea.

Bestalde, eskola ezberdinetako koordinatzaileon artean eta udaletxeko kirol teknikariaren artean hizketan jardun gara. Azken partiduetan, ikusle asko pilatzen omen dira atezainaren atzean, mesedez eskatzen dizuegu denei, atea eta atezainaren atzean inor ez dagoela zihurtatzeko zuen partiduetan, ikusle guztiak zelaiaren hegaletan jartzea eskatzen dizuegu mesedez.

Hondartzako jardunaldietan epaile falta izan dugu denboraldi hasieratik eta, beste behin, kexa eta kezka adierazi dugu Zarauzko Kirol Elkartean. Azken aldian, partiduetan izan diren jarrera txar asko, epailea, talde bateko gurasoa edo entrenatzailea izateak ekarri du. Egoera hau konpondu bitartean, talde guztion artean ahalik eta ondoen eraman, eta borondate onez epaile lanak egitera animatzen denari, laguntzera animatzen zaituztegu.

Denon artean, kirol eredu duin bat osatu eta gure haurrak eredu egokiekin hezitzen jarraitzeko asmoz, gogoratu datorren astean, hilaren 30ean arratsaldeko 18etan, ikastolako aretoan, eskola kirolaren inguruko balore, jarrera eta ereduen inguruan hitzaldia antolatu dugula.

Bi milloi esker asteburuero arbitratzen edo partiduak aurrera ateratzeko laguntzen zabiltzaten guztioi.

Zaindu eta gozatu.

Orokietako saskia izorratuta dagoenez, OROKIETA 1 zelaiko partiduak IKASTOLARA mugitzen dira.

Hauek dira partiduak:

BOOM B OROKIETA 6 CN 10:00:00 AM
ITURZAETA 5 M OROKIETA 5 BM 11:00:00 AM

Barkatu eragozpenak!

KAixo guztioi!

Suspergintza elkarteak, ikastolako aretoan, urtarrilaren 23an eman beharreko hitzaldia, 30era atzeratu da. Bertan, eskola kirolari buruz hitz egingo digute. “Aita Ama, horrela ez” izenpean aurkeztuko diguten hitzaldian, gure haurrak eskola kirolean ahalik eta modurik egokienean jolas daitezen, pauta batzuk emango dizkigute. Kiroletan izan ohi ditugun jarrerak aztertu eta egoera ezberdinak ikertuko ditugu.

Urtarrilak 30, asteazkena:
ikasle entrenatzaileentzat 15:30ean
Gurasoentzat: 18:00etan

Oso hitzaldi interesgarria eta aberatsa izango delakoan, ea ahalik eta jende gehien elkartzen garen bertan!

mila esker

Kaixo!

Asteuburu honetan, benjaminek, eskubaloiko 5. izango duzue. Denboraldi honetako azken jardunaldia izango da. Alebinek aldiz, saskibaloiko ligaxkako azken jardunaldia. Datorren astean, final erdiak eta finalak izango direlarik. Honen ostean, kirol aldaketa tokatuko da. Benjaminak saskibaloiarekin hasiko zarete eta alebinak eskubaloiarekin.

Benjaminen eskubaloiko jardunaldia: JARDUNALDIA
Alebinen saskibaloiko jardunaldia: JARDUNALDIA

Zaindu eta gozatu!!

Duela hilabete inguru, Burlatako krossean, kiroletan oso gutxitan ikusten den keinu eder horietako bat ikusi ahal izan genuen.

Abel Mutai, Londresko Olimpiadetan, 3000 metroko frogan, urrezko domina irabazi zuen korrikalari keniarra, Burlatako lasterketa irabazteko zorian zen.
Helmugara heltzeko pistan sartu zenean, iada iritsi zela pentsatu eta jendeari kasu eginez, erritmoa asko lasaitu zuen.
Atzetik, bigarren postuan, Gasteizko 24 urteko Ivan Fernandez Anaya zetorren korrika. Abel-en nahasketa zela eta, Ivan-ek lasterketa irabazteko aukera izan zuen arren,
Abelen atzean jarri eta eskuekin keinuak egiten helmugaraino eraman zuen.

Ivan Fernandez, etorkizun handiko korrikalaria da. 5000 metroko Espainiako txapeldun izendatu zen duela bi urte etorkizuneko atleten kategorian.
Lasterketa bukatu ostean, hauexek izan ziren bere hitzak: ” egin dudan keinuak irabazteak baino gehiago balio duela uste dut. Irabaziz gero, Espainiko selekzioarekin
europako txapelketara joateko aukera emango bazidaten ere, egindako gauza bera egingo nuke. Kirolean ohituak gaude edozein modutan irabaztea zilegia dela ikustera.

Kirolariak elkarren artean borrokan ikustera, sarrera oso gogor eta itsusiak ikustera, … haurrei kirola telebistan ikusten den hori baino gehiago dela erakutsi beharra diegu eta horretarako, kirolean gabiltzanok, eredu izan behar dugu.”

Suspergintza elkartekoen eskutik, hilaren 23an, hitzaldi interesgarria izango dugu. “Aita ama, horrela ez!” izeneko hitzaldian, eskola kirolean, helduok ditugun jarrerei buruz hitzegingo digute. Haurrei lagundu nahi horretan ongi eta gaizki egiten ditugun kontuez arituko gara.

Ikasle entrenatzaileentzat ikastolako orduetan izango da, arratsaldez.

Gurasoentzat arratsaldeko 18:00etan izango da hitzaldia, ikastolako aretoan.

Gure jarrerak hobetu eta gure haurrei heziketan gehiago laguntzeko asmoz, bertan ikusiko garelakoan

mila esker