Larunbatean ospatuko da triatloia eta Alebinak izango dira lehenak, 10etan (15minutu lehenago bertan egotea komeni) eta Benjaminak ondoren 11etan. Igeri egiteko txaparro, betaurreko eta txapela hartu. Bizikletarako kaskoa derrigorrezkoa izango da.

Inoiz ez dator gaizki gogoratzea, finalen fasea martxan jartzen denean, taldeen arteko iskanbilak ugaritu egiten direla eta, jarrerak kontrolatu eta orain arte bezala lagun arteko giro ona mantentzen saiatzeko. Hau sari bat bezala hartu behar da eta ez haurrei presio gehiago jarri eta serioago hartzeko. Gozatu eta gozatzen lagundu!

Eskola kirolaren azken txanpan sartuak gauden honetan Taldekirolen azken jardunaldia ospatuko dugu asteburuan. Gozatu eta animatu taldekide, guraso eta entrenatzaileekin ospatzera.

Kaixo

Hilaren 13an triatloia izango dugu. Ekintza berezia izanik eta antolaketa errazte aldera izen ematea osatu beharra dugu aurrez. Animatu denoi parte hartzera eta eman izena ikasgelan, kirol bulegoan edo hesteban@zarauzkoikastola.net helbidean apirilak 5 ostiralerako.

Igande honetan Donostian ospatuko diren jardunaldi interesgarri hauen informazioa helarazi nahi dizuegu. Izen ematea norberaren ardurapean geratzen den arren, ahal duzuenoi parte hartzera gonbidatzen dizuegu. Adi epea gaur bukatzen da eta.

Oraingo honetan jardunaldi berezia tokatzen zaigu. Zarauzko Kirol Elkarteak 75 urte bete dituen honetan, jai berezia antolatu dute larunbaterako. Alebinek Argiñano parean jaso behar dituzte ateak eta Benjaminek munoan.

Lastresak eta Super Onenak jartzen duen partidua lagunartekoa da, beraz, LH6ko mutilen artean bi talde osatu eta elkarrekin gozatzeko aukera lehiaketarik gabe.